Humor Gokil Dari Sisca Bani Ikun Laran Diak

NONA SISCA IKUN 

*******

Masih pacaran sonde pernah like katong pung foto, su putus begini foto dari 2014 ju lu kasih super.

Ini kalo be bermaen lu deng kayu asam alus, mangkali lu lhat memang lu pung nene moyang dong.

*******

Cuaca sonde bersahabat ini hari, mungkin dia mau lebih dari sahabat. Pacaran misalnya.

*******

Ada 2 sebab kenapa nona-nona barenti kuliah:

1. Mungkin kesulitan biaya.

2. Kaka sonde akan kasih tinggal ade, percaya kaka ew sayang! (Rayuan maut dari kaka nyong)

*******

Heran sa deng perempuan dong yang dapa lihat kecoa balompat, lihat cacing batareak ke orang gila, sedangkan hari-hari dia ada pegang ular.

*******

Jang puku dada bilang nakal kalo belom pernah ame bapa mantu 1 kali di pohon talinga.

*******

Konyol itu saat loe merasa geli dan lucu dengan 80 juta sedangkan loe gratis.

*******

Mau pi bafoto di Bukit cinta baru baptua suruh hela bawah kambing dua ekor ko pi ikat di sana, su begitu le baru baptua bilang 'su bafoto abis na dduk tunggu itu kambing dong kinyang baru pulang e!'

*******

Jangan bakawan deng orang yang suka main bola!

Bola sa dia rampas apa le lu pung pacar.

*******

Heran tu pas listrik padam nyai update status 'Tuhan, malam ini sangat gelap beta takut'.

Ma giliran baitua datang kos dia langsung omong 'ka, kas mati lampu sa, ade sonde suka talalu terang'

#Kemunafikanyanghakiki

*******

A: Sayang, ingat jang minum sopi!

B: Sayang ee kawan baee ni, sonde minum ju perasaan aaa.

Ini alasan ni dari Upin Ipin pung mama deng bapa masih pacaran.

atau

B: "sayang ee kebetulan haus nee. Stok air ju pas habis. Terpaksa minum sopi"

*******

Masih menjadi misteri kenapa setiap kali baitua ajak b pi kwan pung kos dia pung kawan selalu omong 'duduk tahan ko be p beli ame sayur di pasar do ee'

*******

Itu laklaki yang suka buat nona-nona pung hati sakit tu, saya curiga dulu dia lahir langsung minum moke Maumere bukan ASI.

*******

Pukara'a tu saat lu minta izin di bapa bilang mau jalan-jalan deng sepupu padahal ada pi pacaran, baru kaget sepupu pi cari lu di rumah.

#kuatminyakkelapadibetissa

*******

Kerja sayang!!

Karna sonde mungkin katong masuk toko pakian hanya untuk lihat-lihat, telan ludah lalu keluar dan pulang.

*******

Beta pung nyong ni suka mancing, tapi bedanya orang lain kalo mancing dapat ikan, sedangkan be pung nyong mancing dapat masalah.

Soalnya dia mancing di kolam depan pak RT pung ana parampuan pung kamar deng jam 10 malam na.

*******

Pake baju 'My Trip My Adventure' baru foto palo maitua dalam kos.

Minta maaf kaka nyong, itu manusia bukan puncak gunung Fatuleu owww.

*******

Cewe tu suka kejutan, jadi laki-laki ju harus pintar bikin maitua terkejut ke misalnya maitua pung hari ulang tahun baru lu bawa selingkuhan ko pi kas kenal baru bilang 'Sayang, kenal deng b pung selingkuhan doh! Dia su hamil 2 bulan ni'.

*******

Bosan ju kalo setiap hari chat:

'Sayang su makan?

'Sayang buat?

Coba sesekali kasih pertanyaan yang lebih menantang begitu. Misalnya 'Sayang pung selingkuhan su makan? Dia mau makan apa, kas tau ko b antar e sayang!'

*******

Jadi cewe humoris ni susah ju, kemarin b pung nyong datang kos pas hujan besar be bilang di dia 'Kaka, beta ni talalu sayang deng cinta kaka'.

Baru dia sambung 'Ahahahahah, sayang ee sumpah talalu lucu, sayang talalu gokil nah'

#sumpah_talalu_susah

*******

Kalau beta selalu salah di sayang pung mata, na kas pindah beta pi sayang pung kawan pung hati sa.

*******

Karna orang tua dong bilang kalo masak ko garam tinggi tu, itu tandanya su mau kawin, jadi sekarang kalo beta yang masak beta taro garam satu bungkus memang.

#semoga_mereka_peka

*******

Adegan paling romantis itu pas lu dapa tilang dan pak polisi ame lu pung motor baru gonceng bawa lu pi kantor.

Itu rasa-rasa be ke mau nungging baru terlelap di laklaki besar pung bahu ee ♥

#Menggigil_sayang

*******

Adegan paling romantis tu pas lu mengaku di nona bilang lu kuliah di Undana. Baru dia pung besok, itu nona pi beli semen di Toko Bangunan, lu yang piko kas keluar semen dari dalam gudang.

*******

Horor tu pas lu su rasa nyaman deng orang yang selalu buat lu senyum-senyum sendiri ke orang gila baru tiba-tiba lu p ame mangga di kawan akrab pung rumah ternyata dia ada dan lebih horor lai ternyata itu lu pung kawan pung bapa.

Sumpah ini lebe sakit dari pada lu pi mantan pung pesta nikah.

#Save_bapa_muda

*******

Sebe: karmana lu deng be pung ana nona pung hubungan?

Laklaki: Bapa ee, katong belum pernah berhubungan aa, karmana mau berhubungan kalo hari2 pacaran bapa duduk jaga begini?

Sebe: Berangkaat bangsaatt!!!!

#Laklakisalahpaham

*******

Make up 2 jam gara-gara mantan chat bilang mau datang bertamu di kos. Kaget dia muncul deng maitua, baru su begitu le dia bisik bilang 'coba lu sengaja keluar bae, 1 jam begitu baru bale le!'

Rasa-rasa beta ke mau bale kecap ini laklaki.

*******

Momen paling indah tu pas lu pung beras di kos abis baru lu pung kawan wisuda dan undang lu. Hati pung bahagia tu ibarat sama ke lu dapat tembak dari nyong yg selama ini lu sukaa.

#Gantong_pariuk_gaesss

*******

Orang tua kirim uang untuk regis lu pake beli hp Xi0mi abis na baru lu posting status 'Anggaplah cobaan ini adalah ujian'

#disitu_terkadang_saya_merasa_sedih

*******

Sayang, beta pung to'o bilang beta sonde ada belis, hanya nanti hitung mama pung cape dari masih dalam perut sa.

*******

Sonde masuk akal tu pas lu pulang libur di Soe dan mau bale kembali Kupang baptua suruh bawah jagong lu sonde mau. Abis baru lu chat baitua 'Kak, traktir ade jagong bakar doh!

*******

Pemimpin terbaik lahir dari sosialisasi yang sehat, pemutakhiran data yang sehat, kampanye yang sehat, perhitungan suara yang sehat, minum obat yang teratur dan jika sakit berlanjut segera hubungi Dokter!

*******

Maaf sayang katong dua putus karna kata sayang sa sonde cukup saat katong berdiri di depan kasir Subasuka.

#semoga-baitua-sonde-baca

*******

Sengaja cabut bulu ayam 3 baru bakar supaya tetangga tau kalo beta makan deng ayam bakar.

*******

Perjuangan seorang wanita pada saat hujan tu berat.

Entah dia mau silih genangan, kenangan, atau dia pung alis mata.

*******

Ade, kas masok sendal sa nanti bapa kos liat!

Baru kaget bapa kos sambar dari luar 'Hoo.. Lu urus kas masok sendal sa ko tausa bayar uang kos' 

#Mafenakaks

*******

Karna jarang chat pacar, pas beta chat dia pikir akun palsu.

*******

Beta sonde cantik ma kalo b su catok rambut ko jalan deng motor, polisi ju pasti kejar2 beta na, dan itu 250.000 mus melayang.

#dapa-tilangg

*******

Perempuan tu kadang omong di mulut lain di dalam hati lain.

Contoh: Beta putus deng lu beta sonde rugi sedikit ju.

Dalam hati 'Sial ee coba itu hari beta tausah kasih bae'

#contoh-saa

*******

Bilang sayang pung mama, mungkin beta sonde bisa buat kasi mama kue atau masak kasi mama makanan yang enak-enak, tapi kalau mama bilang mama su pengen gendong cucu.

Fix, ini jam ju beta bisa sayang.

*******

Beta pung kawan ni mulut piso, jadi setiap kali katong mau potong sayur pake dia pung mulut sa.

#talalu_tajam

*******

Horor tu pas lu mau posting foto motor di Grub babe lu tekan salah lu pung foto baru caption 'Jual cepat karna ada butuh dana, serius inbox! Nego tipiss'

*******

Beta tobat kenalan deng nyong-nyong yang foto profil duduk di atas motor.

Bukan apa-apa ma, masa setiap kali ketemuan pulang b mus antar dia ni.

*******

Beta paling stres kalo su musim hujan, bukan apa-apa ma, masa ukir alis selama 20 menit hanya untuk luntur sa ni.

*******

A: Sayang, bapa ada tanya lu ni.

B: Yang betul sa sayang? Adu bae suh, bapa tanya bilang apa sayang?

A: Bapa bilang sonde ada ojek laen le ko? hari-hari hanya ojek deng itu laki-laki sa ni.

B: .....

*******

*Di toko pakaian*

A: Selamat sore, cari apa kaka?

B: Cari pacar kaka, yang baik, sonde sombong, dan murah senyum kaka.

*******

Kalo lu pi berenang deng lu pung kawan baru lu rasa aer suh hangat2, itu lu langsung tampeleng sa suh te dia su kincing dalam kolam tu.

*******

Dong bilang pelakor naik daun. Itu sebenarnya pelakor atau suanggi ee? Ko bisa naik daun.

*******

Lebih baik lari pagi, dari pada lari dari kenyataan. Apa lagi lari ikut orang pung laki. Itu dosa nak.

#Sehat_itu_indah

*******

Ingin tau salah satu sifat asli seseorang??

Lihatlah bagaimana cara dia menilai kesalahan orang lain. ❣

Selamat Melihat!

*******

Loading..

Bersambung..